త్రయోదశ అధ్యాయం (యోగినీ న్యాసము)
శ్లోకాలు: 98-110/1, సహస్రనామాలు: 475-534
తమ భక్తులైన వారందరికీ సుఖాలను చేకూర్చునట్టి మాతకు వందనాలు.
లాకినీ నామక అంబా స్వరూపిణికి వందనాలు.
ఆరు దళాలతో కూడిన స్వాథిష్టానమనే కమలంలో విరాజిల్లు దేవికి వందనాలు.
చతుర్ముఖాలతో భాసిల్లు మనోహరమూర్తికీ ప్రణామాలు.
శూలాదిగాగల ఆయుధాలను ధరించిన మాతకు ప్రణామాలు.
పసుపుపచ్చని రంగుతో భాసిల్లు మాతకు వందనాలు.
సౌందర్య, సంపాదాది మహత్తరాతిశయంచే అత్యంత గర్వంకల దేవికి వందనాలు.
మేదోనిష్టురాలైన మాతకు ప్రణామాలు.
మధువును పాపం చేయడంలో ప్రీతిగా మాతకు వందనాలు.
బందిని--ఆదిగాగల షడ్యోగినీ శక్తులతో పరివేష్టితయైన మాతకు నమస్కారాలు.
పెరుగుతో కూడిన అన్నమునందు విశేషమైన ఆసక్తీ-యిష్టముగల తల్లికి వందనాలు.
కాకినీ నామక చక్రేశ్వరీ రూపధారిణికి వందనాలు.
మూలాధార చక్రంలో భాసిల్లునట్టి కమలకర్ణికలో భాసిల్లు దేవికి ప్రణామాలు.
పంచ ముఖాలతో తేజరిల్లునట్టి పంచముఖీశ్వరికి ప్రణామాలు.
అస్థి(ఎముక) నామకమైన ధాతువులో శక్తిరూపంలో విలసిల్లు దేవికి వందనాలు.
అంకుశము-ఆదిగాగల ఆయుధాలతో ప్రహరించునట్టి మాతకు వందనాలు.
‘వరద’మొదలుగాగల 4 యోగినీగణాలచే సేవించబడు మాతకుప్రణామాలు
పులగమునందు ఆసక్తమైన చిత్తముగల దేవికి వందనాలు.
‘సాకిని’ అనే చక్రేశ్వరీ రూపంలో భాసిల్లు దేవికి ప్రణామాలు.
భూమధ్య ప్రదేశంలో తేజరిల్లునట్టి ఆజ్ఞాచక్ర కమలం నిలయంగా గల దేవికి ప్రణామాలు.
తెల్లటి వర్ణంతో ప్రకాశించు మాతకు వందనాలు.
షణ్ముఖాలతో భాసిల్లునట్టి దేవికి నమస్కారాలు.
మజ్జా నామక ధాతువుతో ప్రకాశించు శక్తి స్వరూపిణికి ప్రణామాలు.
హంసవతి ఆదిగా గలిగిన ముఖ్యశక్తులతో పరివేష్టితయైయున్న శక్తికి వందనాలు.
పసుపు కలిపిన అన్నము-అంటే పులిహారయందు యిష్టముకల తల్లికి వందనాలు.
హాకినీ రూపాన్ని ధరించి తేజరిల్లు మాతకు ప్రణామాలు.
శిరో పరిభాగంలో మధ్యస్థానంలో సహస్రదళాలతో భాసిల్లు పద్మంలో నివసించు మాతకు ప్రణామాలు.
సర్వవర్ణములవల్లనూ శోభిల్లునట్టి దేవికి వందనాలు.
సర్వాయుధాలూ ధరించి తేజరిల్లునట్టి మాతకు ప్రణామాలు.
శుక్ల రూపమైన తేజోధాతువునందు జీవరూపంలో ప్రకాశించు తల్లికి ప్రణామాలు.
సర్వత్రా ముఖాలు గల సర్వతో ముఖరూపిణికి వందనాలు.
సర్వవిధాన్నములయందు ప్రీతచిత్తం గల దేవికి వందనాలు.
‘యాకినీ’ నామక చక్రేశ్వరీ దేవికి వందనాలు.