షష్టమ అధ్యాయం (అమ్మవారి భక్తానుగ్రహ తత్పరత)
శ్లోకాలు: 41-43/2, సహస్రనామాలు: 112-131
భవుడనగా శంకరుడు, భవశబ్ధానికి సంసార, కామార్థాలు కూడా ఉన్నాయి. వీటిని జయింపజేయు పరమేశ్వరికి ప్రణామాలు.
భావనాబలంతో తెలిసికోదగిన పరమేశ్వరికి ప్రణామాలు.
శోకనిలయమై లోకరూపారణ్యానికి గొడ్డలివంటి స్వరూపంగలదేవికి వందనాలు.
భద్రములయందు- అంటే కళ్యాణ కార్యాలయందు యిష్టము కలది.
కళ్యాణ స్వరూపిణీయైన మాతకు వందనాలు.
తన భక్తులకు సౌభాగ్యాలను ప్రసాదించు మాతకు వందనాలు.
'భక్తి' అంటే యిష్టముగల శ్రీదేవికి వందనాలు.
భక్తి మార్గముద్వారా లభించునట్టి ఈశ్వరికి వందనాలు.
భక్తివశురాలగునట్టి మహాశక్తి స్వరూపిణికి ప్రణామాలు.
భవభవయాలను అన్నింటినీ రూపుమాపునట్టి మహేశ్వరికి వందనాలు.
శంభుపత్ని స్వరూపిణియైన శాంభవీ దేవికి వందనాలు.
శారదాదేవిచే సయితము ఆరాధించబడునట్టి మహాశక్తికి వందనాలు.
అష్టమూర్తులలో తేజరిల్లునట్టి శివ స్వరూపాలలో పృధ్వీస్వరూపానికి శర్వుడన్న నామం ఉన్నది. అట్టి శర్వుని ప్రియురాలైన శర్వాణికి వందనాలు.
తన భక్తి జనావళికి సుఖశాంతులను ప్రసాదించు తల్లికి వందనాలు.
సుఖాలను ప్రసాదించునట్టి శంకరుని ఇల్లాలైన శాంకరికి వందనాలు.
లక్ష్మీ కటాక్షమును ప్రసాదించునట్టి శ్రీ స్వరూపిణికి వందనాలు.
అనన్య సాధ్యమైన పాతివ్రత్య ధర్మములు దేవికి నమస్కారాలు.
శరదృతువులోని పూర్ణచంద్రునివంటి వదనబింబంకల తల్లికి ప్రణామాలు.
సూక్ష్మమైన ఉదముకల దేవికి నమస్కారాలు.
శాంతమైన బుద్ధి (అంటే అంతరింద్రయ నిగ్రహం కలది.) కల దేవికి ప్రణామాలు.
* * * షష్టమ అధ్యాయం సమాప్తం * * *