స్వాగతం ఓ అతిథి
అనుకోని అతిథివై అరుదెంచినావు...
ఆత్మీయభావమేదో మదినింపినావు!
మాటలురాని అనుభూతిలో....
కన్నెమనసులో కలవరింతలు!
కలలోకూడా ఊహించని అదృష్టం.....
అంబరమంటిన ఆనందం!
అల్లరివయసుచేసే గారడీలు....
జలపాతాల పరవళ్లు!
కోయిలగొంతులో అల్లరి పిలుపులు...
నాలో కలిగించినవీ కోరికలు!
వెన్నెల రేడు రేపిన వేదనలు....
తారలు చేసే పరిహాసాలు!
ఎదనిండిన తీపి గురుతులు ....
సుగంధ పరిమళాల పరవశాలు!
ఆశల పందిరిలో విరిసిన విరులు....
ఫలించినఓయీ నాదు స్వప్నాలు.!
హృదయ తంత్రులు మీటిన రాగాలు.....
నీవు పంపిన ప్రణయ సందేశాలు!