సప్తమ అధ్యాయం (అమ్మవారి నిర్గుణోపాసన)
శ్లోకాలు: 43/2-51/1, సహస్రనామాలు: 132-195
అవ్యాజ కరుణామూర్తియైన పరమేశ్వరి భక్తులయడల ఎట్టి క్రోధమూ లేకుండ తేజరిల్లుతుంది. అట్టి తల్లికి నమస్కారాలు.
సర్వక్రోధాలను శాంతింప జేయునట్టి తల్లికి వందనాలు.
నామమాత్రానికి కూడా లోభం లేనిదై- తన భక్తులయందు కూడా లోభం కలుగకుండ కాపాడునట్టి తల్లికి వందనాలు.
సర్వపాపాలకూ, మహాపాపాలకూ కూడా మూలకారణమైన లోభ గుణాలను నాశనం చేయునట్టి తల్లికి వందనాలు.
ఎట్టి సంశయమూ లేనట్టి నిస్సంశయమూర్తికి వందనాలు.
సంశయాలు అన్నింటినీ రూపుమాపునట్టి తల్లికి వందనాలు.
భవము - అనగా పుట్టుకలేనిది. భవరహితురాలికీ వందనాలు.
భవమనగా జన్మ- భవనాశిని అనగా పునర్జన్మ లేకుండ చేయునది అర్ధము. అట్టి భవానికి ప్రణామాలు.
ఎట్టి సంకల్పవికల్పాలూ లేనట్టి తల్లికి ప్రణామాలు.
ఎట్టి బాధలూ లేని ఆనందమూర్తికి, ఆనందధాత్రికి వందనాలు.
సదసద్భావాదులేవి లేనట్టి తల్లికి ప్రణామాలు.
సమస్త భేదాలను నశింపజేసి అద్వైతభావాన్ని ప్రసాదించు మాతకు వందనాలు.
ఎట్టి ఆశలూ లేని తల్లికి వందనాలు.
మృత్యుమథనంచేసి - అంటే మృత్యువును దూరంచేసి అమరత్వాన్ని ప్రసాదించు తల్లికి వందనాలు.
క్రియా శూన్యురాలైన నిష్క్రిమమూర్తికి వందనాలు.
ఏ విధమైన పరిగ్రహమూ లేని తల్లికి ప్రణామాలు.
తుల-తూచడానికి వీలులేని అతులనీయమూర్తికి నమస్కారాలు.
నల్లని కేశపాశం కల శ్రీదేవికి నమస్కారాలు.
ఎట్టి అపాయాలూ లేని దేవికి వందనాలు.
న్యూనాధిక, భావాభావాదులేవి లేని తల్లికి నమస్కారాలు.
సామాన్యులకు లభించని తల్లికి వందనాలు.
దుర్గమురాలు-అంటే సామాన్యులుచే పొందరానిది--అనగా సామాన్యులు చేరలేని తల్లికి వందనాలు.
దుర్గమక్లేశాల నుండి-- అంటే బాధలనుండి భక్తులను కాపాడు దుర్గాస్వరూపిణికి వందనాలు.
దుఃఖాలను అన్నింటినీ నాశనం చేయునట్టి మాతకు వందనాలు.
తన భక్తులకు సర్వసుఖాలనూ ప్రసాదించునట్టి తల్లికి ప్రణామాలు.
దుష్టులను దూరం చేయునట్టి తల్లికి వందనాలు.
భక్తులైనవారిని దురాచారం దూరులను సదాచార పరాయణులను మాతకు ప్రణామాలు.
సమస్త దోషాలనూ వర్జించిన సర్వేశ్వరికి ప్రణామాలు.