సప్తమ అధ్యాయం (అమ్మవారి నిర్గుణోపాసన)
శ్లోకాలు: 43/2-51/1, సహస్రనామాలు: 132-195
ఎట్టి ఆధారములేని వారికి ఆధార స్వరూపిణియై - తాను ఎట్టి ఆధారమూ లేకపోతే భాసిల్లునట్టి మహేశ్వరికి వందనాలు.
మాయ లేకుండా - చిత్సరూపిణియై తేజరిల్లు దేవికి వందనాలు.
దేనినీ అంటీ అంటకుండా, ముట్టీముట్టకుండ- తామరాకు మీద నీటిబొట్టువలె ఉండునట్టి తల్లికి వందనాలు.
మాయారూప మలాదులంటక నిర్మల స్వరూపంలో భాసించు దేవికి వందనాలు.
నిత్యురాలయిన శ్రీదేవికి వందనాలు.
నిరాకారిణిగా ఖ్యాతి గాంచినట్టి శ్రీదేవికి వందనాలు.
ఆ కులము -అంటే మానసిక వ్యాకులాలేమీలేని సంతోష స్వరూపిణికి వందనాలు.
సత్త్వ రజస్తమో గుణాలేవీ లేని నిర్గుణరూపిణికి ప్రణామాలు.
గుణావయవరహితకు వందనాలు.
శాంతమూర్తికి-అమృత బీజాత్మకురాలైన శాంతస్వరూపిణికి ప్రణామాలు.
కామము లేని తల్లికి వందనాలు.
అమృత స్వరూపిణి యగుట వలన శ్రీ మాత తన. భక్తులను కూడ నాశనరహితులను చేస్తుంది... అట్టి తల్లికి ప్రణామాలు.
స్వయంగా తాను నిత్యయుక్తయై తన భక్తులను కూడా నిత్యయుక్తులుగా చేయునట్టి తల్లికి వందనాలు.
ఎట్టి వికారాదులూ లేనట్టి మాతకు నమ‌స్కారాలు.
ప్రపంచంకంటే మిన్నయై విశ్వాతీతురాలైన పరాశక్తికి వందనాలు.
తాను ఆశ్రయాతీతయై కూడ సర్వులకూ ఆశ్రయభూతురాలైన తల్లికి ప్రణామాలు.
శుద్ధ బ్రహ్మ స్వరూపిణకి వందనాలు.
చిత్స్వ రూప జ్ఞానానందమూర్తికి వందనాలు.
తనను ఆరాధించునట్టి వారు నరకయాతనలకు గురికాకుండ కాపాడగలుగునట్టి నిరవద్యమూర్తికి వందనాలు.
భేద, ఛిద్రాతీత మూర్తి యైన నిరంతరాదేవికి ప్రణామాలు.
అమృత స్వరూపిణియై ఎట్టి కారణాలు లేకయే తేజరిల్లునట్టి పరమేశ్వరికి వందనాలు.
ఎట్టి కళంకాలూ లేని ని‌ష్కళంక స్వరూపిణికి వందనాలు.
చిత్స్వరూపిణియై ఎట్టి ఉపాధులూ లేకయే భాసిల్లునట్టి మహేశ్వరికి వందనాలు.
అద్వైతమూర్తియై ‘నిరీశ్వరీ’ నామంతో భాసిల్లు వరదేవతకు ప్రణామాలు.
స్వయంగా తాను ఎట్టి రాగాలూ లేనిదై భక్తజనుల రాగసర్వస్వాన్నీ నెరవేర్చునట్టి రాగరహితయై తేజరిల్లు దేవికి వందనాలు.
సమస్త దుఃఖాదులకూ కారణభూతమైన రాగాన్ని మధించునట్టి మహేశ్వరికీ వందనాలు.
మదరహితురాలగు పరమేశ్వరికి వందనాలు.
నాశనం హేతువైన మూలాన్ని పోగొట్టునట్టి చైతన్య స్వరూపిణికి ప్రణామాలు.
తాను నిశ్చింతగా ఉంటూ భక్తుల చింతలను కూడా రూపుమాపునట్టి శ్రీదేవికి ప్రణామాలు.
ఎట్టి అహంకారాలూ లేనట్టి నిరహంకారమూర్తికి వందనాలు.
స్వస్వరూపన్ని మర్చిపోవునట్లు చేయునదియే మోహమనబడుతుంది. అట్టి మోహం నామ మాత్రానికి కూడా లేనట్టి తల్లికి వందనాలు.
మోహ భావాలను నాశనం చేయునట్టి మాతకు వందనాలు.
స్వయంగా తాను నిర్మమస్వరూపిణియై భక్తజనులకు దుఃఖాలు కలుగనీయక మమత్వాన్ని దూరం చేయునట్టి అమృతమూర్తికి వందనాలు.
సమస్త దుఃఖాలకూ మూలమైన మమకారభావాదులను రూపుమాపునట్టి తల్లికి వందనాలు.
పాపశూన్యయగు మహేశ్వరికి వందనాలు.
తనను ఆశ్రయించిన వారి పాపాలను నాశనం చేయునట్టి తల్లికి ప్రణామాలు.