దశమ అధ్యాయం (“పారా, పశ్యంతి, మధ్యమ, వైఖరి” - అమ్మవారి శ్రీ చక్రవర్ణన)
శ్లోకాలు: 71-81, సహస్రనామాలు: 305-372
విశ్వాధికురాలైన లలితాంబకు ప్రణామాలు.
వేదములచే వేద్యురాలు- అనగా తెలిసికోదగిన తల్లికి వందనాలు.
వింధ్యాచల పర్వతము నివాసస్థానంగా గల దేవికి ప్రణామాలు.
విశ్వాలను ధరించునట్టి జగజ్జననికి ప్రణామాలు.
వేదాలకు మాతృస్థానీయురాలైన మాతకు ప్రణామాలు.
వైష్ణమాయా స్వరూపిణికి ప్రణామాలు.
విలాసినీ రూపాన్ని ధరించిన లలితకు వందనాలు.
క్షేత్రమే స్వరూపంగా గల మాతకు వందనాలు.
క్షేత్రాలను పాలించు ఏలికకు వందనాలు.
జీవుణ్ణీ, శరీరాన్ని రెండింటినీ పాలించునట్టి తల్లికి ప్రణామాలు.
వృద్ధిక్షయాలు లేని మాతకు ప్రణామాలు.
క్షేత్రపాలునిచే అర్చించబడునట్టి దేవికి ప్రణామాలు.
విజయమే స్వరూపంగా గల మాతకు ప్రణామాలు.
తొలగిన అవిద్యా స్వరూపిణికి వందనాలు.
నమస్కరించదగిన మాతకు ప్రణామాలు.
తనకు నమస్కరించునట్టి భక్తులయందు వాత్సల్యమును చూపునట్టి మాతకు ప్రణామాలు.
వాగ్వదినీ శక్తికి వందనాలు.
సుందరమైన కేశాలు కల తల్లికి వందనాలు.
సోమ, సూర్య, అగ్నిమండలాలయందు భాసిల్లునట్టి దేవికి ప్రమాణాలు.
కల్పలతవలె భక్తుల కోరికలను నెరవేర్చునట్టి మాతకు ప్రణామాలు.
అజ్ఞానరూప పశువులను అవిద్యారూపపాశాలనుండి విముక్తులను చేయగల మాతకు ప్రణామాలు.
వేదరహితమైన ఆధారాలను పాటించువారు పాషాండులు. అట్టి పాషాండులను అందరినీ నాశనం చేయునట్టి తల్లికి వందనాలు.
వేదోక్త సదాచారాలను పాటింపజేయునట్టి పావనమూర్తికి ప్రణామాలు.
తాపత్రయ రూపాగ్నిచే సంతప్తలైనవారికి వెన్నెలవలె చల్లదనాన్ని కలిగించునట్టి మాతకు వందనాలు.
నిత్య తారుణ్యము ( యౌవ్వనము)గల దేవికి వందనాలు.
తాపసోత్తములచే ఆరాధించబడునట్టి దేవికి వందనాలు.
కృశించిన మధ్యభాగం అంటే నడుము కల దేవికీ వందనాలు.
అజ్ఞానాంధకారమును నాశనం చేయునట్టి దేవికి ప్రణామాలు.