అమ్మ ప్రేమ అనంతం
అమ్మ మాట అమృతం
అమ్మకరుణ అపారం
అమ్మ అనే భావం అనిర్వచనీయం

తల్లిని మించిన దైవం లేదు
భువిలో వెలసిన మమతల కోవెల అమ్మ
ఇలపై కురిసిన అనురాగ వర్షిణి అమ్మ

మానవాళి మనుగడకి అవలంబం ధరిత్రి
కల్లోల సంసార సాగర జనిత- సుధా తరంగం జనయిత్రి

మహాత్మునికి తల్లి పుతలీ బాయి
పరమాత్మునికే జన్మనిచ్చింది మాతా దేవకీ మాయి

పసి హృదయానికి లయ నేర్పేది అమ్మ లాలిత్యం

అలసిన మనసుకు స్వాంతన నిచ్చేది అమ్మ సాన్నిహిత్యం

పదిమంది బిడ్డల పెంపకంలో పరాకెరుగని తల్లి
ముది వయసున పిల్లల చిరాకుతో తల్లడిల్లేను
చేయరాదు జీవితాన ఏనాడూ అమ్మని నిరాదరం
దివ్య పద మందిన అమ్మ దీవెనలే మనకు నిరతాక్షతం

మాతృమూర్తులకివే జోహార్లు
తల్లులందరికీ మాతృ దినోత్సవ శుభాకాంక్షలు