త్రయోదశ అధ్యాయం (యోగినీ న్యాసము)
శ్లోకాలు: 98-110/1, సహస్రనామాలు: 475-534
శుద్ధకమల కర్ణికలో తేజరిల్లు భవానికి ప్రణామాలు.
ఎఱ్ఱటి కాంతులతో భాసిల్లు పరమేశ్వరికి ప్రణామాలు.
మూడు కనులు కల మాతకు వందనాలు.
ఖట్వాంగాది ఆయుధాలతో శత్రువులను కొట్టునట్టి దేవికి వందనాలు.
ఏకవదనయై భాసిల్లు జననికి వందనాలు.
పరమాన్నమునందు విశేషం ప్రీతిగా దేవికి ప్రణామాలు.
చర్మనామక ధాతువుతో తేజరిల్లు శక్తికి వందనాలు.
పశు స్వరూపులైన పామరులకు అజ్ఞానులకు, దుష్టాత్ములకు భయాన్ని కలిగించునది తల్లికి వందనాలు.
‘అమృత’ఆదిగాగల షోడశశక్తులచే పరివృతురాలైన లలితాంబకు వందనాలు.
డాకినీ రూపిణియగు మాతకు వందనాలు.
అనాహత కమలం నిలయ స్థానంగా కలది.
శ్యామలవర్ణ శోభలతో అలరారు దేవికి వందనాలు.
రెండు ముఖాలతో భాసిల్లు తల్లికి ప్రణామాలు.
దంష్ట్రలచే భాసిల్లు మాతకు ప్రణామాలు.
అక్షరాలను ధరించిన మాతకు ప్రణామాలు.
రుధిరనామక ధాతువులో తేజరిల్లు శక్తికి వందనాలు.
‘కాళరాత్రి’ మొదలుగాగల పన్నెండుగురు శక్తులే చే పరివేష్టించబడిన మాతకు వందనాలు.
ఘృతమిళితాన్నమగు స్నిగ్దౌదనమందు యిష్టముకల తల్లికి నమస్కారాలు.
మహావీరుడైన త్రిమూర్తులకు సైతము వరాలను ప్రసాదించగల తల్లికి వందనాలు.
అనాహతచక్రంలో భాసిల్లునట్టి రాకిన్యంబా స్వరూపిణికి ప్రణామాలు.
దశదళాలతో భాసిల్లునట్టి మణిపూరకమలంతో విలసిల్లు దేవికి నమోవాకాలు.
మూడుమోములతో తేజరిల్లు పరమేశ్వరికి ప్రణామాలు.
వజ్రాది ఆయుధాలను ధరించిన మాతకు నమస్కారాలు.
డామర్యాది దశావరణ శక్తులతో పరివేష్టించబడిన మాతకు ప్రణామాలు.
అరుణప్రభలతో భాసిల్లు తల్లికి వందనాలు.
మాంసనామక ధాతువు నందు భాసిల్లు శక్తికి వందనాలు.
బెల్లము తో కూడిన అన్నమునందు ప్రీతికల తల్లికి వందనాలు.