అష్టమ అధ్యాయం (అమ్మవారి విరాడ్రూప మంత్ర, తంత్ర, సగుణ రూప వర్ణన)
శ్లోకాలు: 51/2-60, సహస్రనామాలు: 196-248
అనంత సత్ఫలాలను ప్రసాదించునట్టి మహాతంత్రమూర్తికి నమస్కారాలు.
మహత్తర ఫలాలను అనుష్ఠానమాత్రంచే జపించినంత మాత్రాన ప్రసాదించు మహామంత్ర స్వరూపిణికి ప్రణామాలు.
విశాలవిశ్వంలోగల సమస్త మహత్తర యంత్ర స్వరూపిణియై తేజరిల్లు తేజస్స్వరూపిణికి వందనాలు.
మహత్తరమైన- దివ్యమైన ఆసనంగల మాతకు ప్రణామాలు.
శ్రీమాత యొక్క చరణసేవయే మహాయాగము. సక్రమంగా ఆరాధించబడునట్టి చరణారవిందాలుకల జగదంబకు వందనాలు.
పరమేశ్వరునకు మహాభైరవనామమున్నది. అట్టి మహాభైరవునిచే పూజింపబడిన జగన్మాతకు ప్రణామాలు.
కల్పాంతవేళలో మహేశ్వరుడు చేయునట్టి ప్రళయతాండవాన్ని తిలకించిన సాక్ష్యీస్వరూపిణికి ప్రణామాలు.
పరమశివదేవునిపట్ల మహిషియైన మాతకు వందనాలు.
లోకత్రయంలో మహత్తర సౌందర్యాతిశయంతో తేజరిల్లు త్రిపుసుందరీ మాతకు ప్రణామాలు.
64 ఉపచారాలచే ఆరాధించబడుచూ శోభిల్లునట్టి మహేశ్వరికి వందనాలు.
చతుషష్టి కళాస్వరూపిణియైన శ్రీ లలితాంబకు వందనాలు.
64 కోట్ల మహాయోగనీ గణాలచే సేవించబడునట్టి శ్రీ లలితా పరమేశ్వరికి ప్రణామాలు.
మంత్రోద్ధారకులైన శ్రీ విద్యోపాసకులద్వారా అనుష్ఠించబడిన మంత్రాలకు మనువులని పేరు. అట్టి మనువిద్యా స్వరూపిణికి ప్రణామాలు.
చంద్రవిద్యా స్వరూపిణియైన శ్రీలలితా మాతకు వందనాలు.
సంపూర్ణ చంద్రబింబ మధ్యభాగంలో శాంతకాంతులతో తేజరిల్లు శ్రీ లలితాదేవికి వందనాలు.
లావణ్యంతో శోభిల్లునట్టి మనోహర సౌందర్యమూర్తికి ప్రణామాలు.
అందమైన నవ్వుల కల తల్లికి వందనాలు.
జ్ఞానప్రదమైన సుందరతరమై వృద్ధి క్షయాలులేని చంద్రరేఖను ధరించిన పరమేశ్వరికి ప్రణామాలు.
చరాచర జగధీశ్వరికి వందనాలు.
శ్రీచక్రరాజమే నికేతనంగా కల తల్లికి ప్రణామాలు.
పర్వతరాజ పుత్రియగు పార్వతీమాతకు ప్రణామాలు.
కమలములవలె సుందరమై సువిశాల నేత్రాలుగల తల్లికి వందనాలు.
పద్మరాగ మణివలె ఎర్రనైన ప్రకాశం కల తల్లికి వందనాలు.