నువ్వూ ..నేనూ ...
ఎప్పుడూ ఇంతే,
అపార్దాల వాగులో
అన్యాయంగా
కొట్టుకుపోవలసిందే!
విమర్సల దాడిలో,
నువ్వొక మెట్టు ఎక్కుతావు,
నేనూ రెచ్చిపోయి,
నీకు ....
రెట్టింపు అయిపోతాను,
మాటా ..మాటా ..పెరిగి,
నిన్ను నువ్వు
సమర్దించేసుకుంటావు,
నాకు మింగుడు పడక,
నన్ను నేను
అదుపు చేసుకోలేక,
నాకు నేనే ..నీకు
దూరమైపోతుంటాను!
మనప్రశ్నలు - సమాధానాలు,
మనవరకే ....
పరిమితం అంటాను నేను,
అది మరచిన నువ్వు,
నీ మస్తిష్క పేటికలో,
నిక్షిప్తం కావాల్సిన,
స్వీయ గాథలు
నా హృదయ వాకిటముందు
గుట్టలుగా ఆరబోస్తావు,
నాలోని అహంకారిని
తట్టి లేపుతావు ...
ఈర్ష్యా ద్వేషాల
మురికి గుంటలోకి
నిర్దాక్షిణ్యంగా ..
నన్ను తోసిపారేస్తావు !
నాలో రగిలే కుతకుతలు
నీకు వినపడవు,
నువ్వు మాత్రం,
సత్యమూర్తిలా
నీ హృదయం విప్పి
నా ..ముందు
కుప్పపోస్తావు ...!
నన్నొక శాడిస్టుని చేసి,
నాలో ...
అగ్నిజ్వాల రగిలించి,
మానసిక వ్యథకు
మూల సూత్రమైపోతావు!!
నాకు తెలుసు
నీ ..ఆలోచనలన్నీ
నా చుట్టూ ...
పరిభ్రమిస్తున్నాయని,
నాగురించి
ఇంతకుమించి
ఏమిచెప్పను .....
నేను రాసే ...
ప్రతి అక్షరం లోనూ ..
వెంటాడే ప్రతి
ఆలోచనలోనూ
నువ్వే ..నువ్వే ..
ప్రత్యక్ష మవుతుంటావని,
ఎలా ..చెప్పనూ ...!?
Thank you
Shyam
నేటి మనుషుల మనస్తత్వం…ఇక్కడ ఎవ్వరూ అతీతులు కారు…బాగా వ్రాశారు సర్
మాధవి గారు
మీ స్పందన కు
ధన్యవాదాలు
ఎలా ఇలా మీ మనస్సు సంఘర్షణని అందమైన వాక్యాలుగా మార్చారు… బావుంది సర్ కవిత
జ్యొతీ
మీ స్పందన కు
ధన్యవాదాలు
కవితలో లోతైన అర్థం, ప్రాక్టికల్ ట్రూత్ ఉన్నాయి. చాలా ఆలోచించి effort పెట్టి రాసి ఉంటారు. అభినందనలు.👏👏👏👏💐💐💐
ప్రసాద్ గారూ
ధన్యవాదాలు
మానసిక విశ్లేషణతో….ౘక్కని కవిత…. కవితా శిల్పం బాగా అమిరింది….👌
ఎస్.వి.ఎల్.ఎన్.శర్మ
హైదారాబాద్.
శర్మ గారూ
ధన్య వాదాలు
సార్ మీ కవిత “ఎలా” చాలా బాగుంది, మీ మనసు అందులో పరిచి నట్లుంది, అభినందనలు🌹
___రాయవరపు సరస్వతి
విశాఖపట్నం.
సరస్వతి గారు
ధన్యవాదాలు
Good
Thank you
Shyam
ప్రసాద్ గారూ మీ కవిత “ఎలా” చాలా బాగుంది, మా మనసుని విప్పి చెప్పినట్లుగా ఉంది, ఇది చదివిన ఎవరికి వారు అలానే ఊహించుకుంటారు, అభినందనలు సార్,
Thank you sir
ధన్యవాదాలండీ