వైకృత, ప్రాకృత, కౌమార నామకమైన వివిధాకృతులను దాల్చిన సర్వేశ్వరికి ప్రణామాలు.

తానే విద్యాస్వరూపిణియై మరల తానే అవిద్యాస్వరూపిణియై కూడ ఉండునట్టి మాతకు ప్రణామాలు.

మహాకామేశుడు--అంటే పరమశివుడని అర్ధము. అట్టి పరమశివుని నేత్రరూపమైన కలువలను వికసింపజేయుటకు వెన్నెలవంటి తేజోమయమూర్తికి వందనాలు.

భక్తుల హృదయగుహలలో రాశీభూతమైయున్న అజ్ఞానాంధకారాన్ని రూపుమాపడానికి అనంతప్రభలతో తేజరిల్లే భాస్కర స్వరూపిణికి నమోవాకాలు.

పరమశివునే దూతగాచేసి పంపగలిగిన శివదూతికి వందనాలు.

శివునిచే సయితమారాధించబడిన మహాశక్తికి ప్రమాణాలు.

‘శివ’ స్వరూపిణికి అంటే శాంతమూర్తికి వందనాలు.

జీవుని శివునిగ చేయగల మహాత్తర శక్తిగల తల్లికి నమోవాకాలు.

శివునకు ప్రియాన్ని చేకూర్చునట్టి శివప్రియకు ప్రణామాలు.

శక్త్యాతీతుడైన శివునికంటె పరమైన దేవికి--శివునియందు తత్తచిత్తురాలైన మాతకు ప్రణామాలు.

శిష్టజనులయందు -- సద్ధర్మ మార్గరతులైన వారియందు ఇష్టముగల తల్లికి వందనాలు.

శిష్టజనులచే అంటే విశిష్ట వ్యక్తులచే, గొప్పవారిచే కీర్తించబడునట్టి తల్లికి వందనాలు.

కొలువు తగినదైయుండి, కొలచ-- అసాధ్యయై తేజరిల్లు అప్రమేయమూర్తికి వందనాలు.

నిజతేజస్సుతో ప్రకాశించునట్టి స్వయం ప్రకాశ స్వరూపిణికి వందనాలు.