మన తెలుగు కొరకు...
- తెలుగే మన వెలుగు
చేయకు కను మరుగు
- తెలుగు మన జీవనం
మనల నుడి పావనం
- తెలుగు పెను పొలుపు
మనుగడ కది మలుపు
- తెలుగంటే తీపి పంచదార
తెలుగంటే తావి పాలధార
- తెలుగు మన అమ్మ నుడి
అమ్మ అనురాగ పు ఒడి
- తెలుగొక తీపి గుళిక
పలుకుల తావి మొలక
- తెలుగు అంటే అమ్మదనం
తెలుగు వింటే కమ్మదనం
- తెలుగు మమతల చల్లని గుడి
వెలుగులొలుకెడి ఎల్లల నుడి
- తెలుగు పలికే తీపి కలకండ
తెలుగు చదువే అండదండ
- మన భాషను ప్రేమిద్దాం
పర భాషను ఆదరిద్దాం
- తెలుగే కదా మన వెలుగు
చేయకు దానిని కనుమరుగు
- కన్న తల్లిని మరవద్దు
అమ్మ నుడిని వదలొద్దు
- తేనె కన్న తీయనన్న
మన అమ్మ నుడే గొప్పన్న
- ఆంధ్రము సున్న మాయె,
ఆంగ్లము బెల్లమాయె.
చదువేమో తెల్ల బోయె
- అమ్మ బాసను అలుసు చేయకు
అన్య భాషలో ఉసు లాడకు
- తెలుగు మన హక్కు
కాదంటే కదను తొక్కు
- తెలుగుకుంది తలకట్టు
తెలుగోడి కది పిడి పట్టు
కాదన్నవాడి పని పట్టు
- ఏలికలో పాలికలో తెలుగు,
వాడుకలో వేదికలో తెలుగు
అందుకై వేయాలి అడుగు
- గడప గడపలో తెలుగు
గొంతు గొంతులో తెలుగు
- తెలుగులో మాట్లాడదాం
తెలుగుకై కొట్లాడదాం