నవమ అధ్యాయం (అమ్మవారి సర్వరూప, సర్వనామ, సర్వకార్య, సర్వ ఆసన, సర్వస్థాన సర్వజ్ఞత వర్ణన)
శ్లోకాలు: 61-70, సహస్రనామాలు: 249-304
పంచప్రేతాసనం మీద విరాజిల్లు తల్లికి వందనాలు.
పంచ బ్రహ్మ స్వరూపిణియై తేజరిల్లుతూ లోకాలను రక్షించునట్టి మాతకు వందనాలు.
చిన్మయమూర్తికి అంటే చిదానంద స్వరూపిణికి ప్రణామాలు.
పరమానంద స్వరూపిణికి అంటే బ్రహ్మానందమే రూపంగా గల తల్లికి వందనాలు.
ఘనమైన విజ్ఞానమే స్వరూపంగా గల మాతకు ప్రణామాలు.
త్రిపుటి అనగా ధ్యాన-ధ్యాతృ-ధ్యేయరూపాలే, అట్టి త్రిపుటి అంటే శ్రీ విద్యా స్వరూపిణికి వందనాలు.
ధర్మాధర్మాలను రెండింటినీ వర్జించిన అపారశక్తిగల మాతకు వందనాలు.
యావద్విశ్వమూ స్వరూపంగా గల మాతకు నమోవాకాలు.
జాగ్రదవస్థలో భాసిల్లు తల్లికి ప్రణామాలు.
స్వప్నావస్థలో ఉండు దేవికి వందనాలు.
తైజసమూర్తి రూపిణి అయిన మాతకు వందనాలు.
సుప్తావస్థలో ఉండునట్టి దేవికి వందనాలు.
అఖండమైన ప్రజ్ఞాసంపత్తిగల తల్లికి వందనాలు.
అవస్థాత్రయాతీతమైన తురీయావస్థలో తేజరిల్లునట్టి శ్రీదేవికి వందనాలు.
సమస్తమైన అవస్థలను వర్జించినట్టి మహేశ్వరికి ప్రణామాలు.
సృష్టించున ట్టి మాతకు నమస్కారాలు.
చతుర్ముఖ బ్రహ్మ స్వరూపిణి అయిన మాతకు ప్రణామాలు.
జగద్రక్షణ చేయునట్టి మాతకు ప్రణామాలు.
ధర్మమును రక్షించునట్టి గోవిందుని స్వరూపంతో తేజరిల్లునట్టి దేవికి ప్రణామాలు.
సంహారకర్త్రియగు మాతకు వందనాలు.
రౌద్రరూపముగల రుద్ర స్వరూపిణికి వందనాలు.
విశ్వాన్ని సంపూర్ణంగా తిరోధానం చేయునట్టిది- అంటే నాశనం చేయునట్టి మాతకు వందనాలు.
ఈశ్వర స్వరూపిణికి వందనాలు.
సదాశివ స్వరూపిణికి ప్రణామాలు.
అనుగ్రహాన్ని ప్రసాదించునట్టి దేవికి వందనాలు.
సృష్టి స్థితి లయ తిరోధాన అనుగ్రహాలను పంచకృత్యాలయందు ఆసక్తి కల తల్లికి వందనాలు.
సూర్యమండలంలో మధ్యభాగంలో తేజరిల్లు మహేశ్వరికి వందనాలు.
శివునికి భైరవుడని నామమున్నది. భైరవుని ప్రియురాలు కనుక భైరవికి వందనాలు.
భగమాలినీ స్వరూపిణికి వందనాలు.
‘పద్మాసన’మందు తేజరిల్లు శ్రీమాతకు ప్రణామాలు.
దేవతలందరిచేతా సేవించబడునట్టి భగవతీ స్వరూపిణికి ప్రణామాలు.
పద్మనాభుని చెల్లెలు అగు పార్వతీదేవికి వందనాలు.