నవమ అధ్యాయం (అమ్మవారి సర్వరూప, సర్వనామ, సర్వకార్య, సర్వ ఆసన, సర్వస్థాన సర్వజ్ఞత వర్ణన)
శ్లోకాలు: 61-70, సహస్రనామాలు: 249-304
కనులు తెరిచినంత మాత్రాన బ్రహ్మాండాలను సృష్టించగలిగినట్టియు, కనులు మూసి బ్రహ్మాండాలు లయం చేయగలిగిన మహేశ్వరికి ప్రణామాలు.
అనంతమైన శీర్షవదనాదులతో జగత్తును రక్షించునట్టి తల్లికి ప్రణామాలు.
సహస్ర శబ్దం-అనంతవాచకము, అనంత నేత్రాలతో తేజరిల్లు శ్రీమాతకు ప్రణామాలు.
అనంతమైన పాదాలతో భక్తులను కాపాడు తల్లికి వందనాలు.
కీటకాది బ్రహ్మపర్యంతంగాగల సర్వజీవులను సృష్టించునట్టి మాతకు ప్రణామాలు.
వర్ణాశ్రమ ధర్మాలను బ్రహ్మ ద్వారా ఏర్పరచునట్టి తల్లికి నమస్కారాలు.
ఆజ్ఞారూప వేద స్వరూపిణికి వందనాలు.
పుణ్యాపుణ్యకర్మల వలన కలుగు ఫలాలను ప్రసాదించునట్టి మాతకు వందనాలు.
శ్రుతి సీమంతాలని ఉపనిషత్తులకు నామాంతరము. అట్టి ఉపనిషత్తులు కూడా జగన్మాతను వర్ణించలేకపోయాయి. అట్టి వర్ణనాతీతమూర్తికి ప్రణామాలు.
సమస్తమైన ఆగమరూపశక్తులలో మౌక్తికాలవలె భాసిల్లు మాతకు వందనాలు.
చతుర్విధ పురుషార్ధాలనూ ప్రసాదించునట్టి జననికి ప్రణామాలు.
పూర్ణపరబ్రహ్మ రూపిణికి వందనాలు.
నాగకన్యా స్వరూపిణికి వందనాలు.
సమస్తమైన భువనాలకూ అధీశ్వరికియైన మాతకు వందనాలు.
సమస్త జగత్తులకూ మాతృమూర్తి యైన దేవికి వందనాలు.
ఆద్యంతాలు లేని తల్లికి వందనాలు.
బ్రహ్మ, విష్ణు, మహేంద్రాదుల ద్వారా సేవించబడునట్టి తల్లికి వందనాలు.
నారాయణీమూర్తికి నమస్కారాలు.
నాదబ్రహ్మ స్వరూపిణికి నమోవాకాలు.
నామరూపాతీతురాలగు మాతకు నమోవాకాలు.
సిగ్గును కలుగజేయునట్టియును హ్రీంకారబీజాక్షరి స్వరూపిణియూ అయిన మాతకు ప్రణామాలు.
హ్రీం-- అనగా లజ్జ అని అర్థము. లజ్జ గల మాతకు వందనాలు.
మనోజ్ఞమూర్తికి, హృదయాదవర్ధకురాలికి వందనాలు.
ఇష్టానిష్టు, నింద్యానింద్య, ప్రవృత్తి నివృత్తులను వర్జించిన శ్రీదేవికి వందనాలు.