మదిఁదను నాసపడ్డ యెడ | మంచి గునోన్నతుఁ డెట్టి హీనునిన్
వదలఁడు మేలుపట్టున న | వశ్యము మున్నుగ నాదరించుఁగా
త్రిదశ విమాన మధ్యమునఁ | దెచ్చి కృపామతి సారమేయమున్
మొదల నిడండె ధర్మజుడు | మూఁగి సురావళి చూడ భాస్కరా!

తాత్పర్యము: భాస్కరా! పూర్వము గుణ నిధియగు ధర్మరాజు తాను స్వర్గమునకు పోవుచుండగా, తనను నమ్మి తన వెంటనే వచ్చుచున్న శునకమును ప్రేమతో దేవతలాశ్చర్యము పొందునట్లుగా తనకంటే ముందుగా దేవతా విమానమును ఎక్కించెను. సుగుణవంతుడు అనగా మంచి గుణములు గలవాడు, తనను ఆశ్రయించిన వారు ఎట్టి హీనులైననూ వదిలివేయడు పైగా తప్పకుండా మంచి సమయాన వారిని ముందుగా గౌరవించి సన్మానితుని చేయగలడు.