నందివర్ధనము*
శ్రావణం(1) బనిన బంధుమిత్రుల పరస్పరాభిమతముల్
శ్రీవరంబులనఁ జక్కఁగా వినుట(2) చేరి మీ గృహమునే
పావనంబుఁ గడు వైభవాన్వితముఁ బ్రత్యహంబగువిధిన్
దేవి లక్ష్మి కరుణించి చేయు తఱి(3) దీక్ష తోడఁ గొలువన్
............(1) శ్రవణానక్షత్రప్రధానమైనది శ్రావణమాసం. శ్రవణసంబంధమైనది ఈ మాసం.
............(2) మంచిమాటలు వినుట (శ్రవణం), వినిపించుట ఈ మాసధర్మం
...................శ్రవణం తొమ్మిది భక్తిమార్గాలలో ఒకటి.
............(3) సమయం

* ఇది లాక్షణికకవులు మెచ్చుకొన్న నేను సృష్టించిన క్రొత్తఛందస్సులో నడిచే వృత్త పద్యం. ప్రతిపాదంలో
ర-న-ర-న-ర-న-గ అనే గణాలతో 13వ అక్షరం యతినియమంతో మంచి గమకంతో నడుస్తుంది.