Menu Close
Atanu Aame
ప్రకృతి విలయం

విదేశాల్లో
ఎక్కువగా
తుపాన్లు భూకంపాలు
వస్తాయి ఎందుకో
అన్నదామె
సంపదకై
సంస్కారాన్ని
సుఖాలకై
శీలాన్ని
ఖూనీ చేయటం
వలన అన్నాడతను
అసలు
విషయం అర్థమైన
అవనిలో
ఎంటో అదుపు తప్పిన
ఆర్భాటాలంటూ
నడకకు పని
చెప్పిందామె

రైతు వేదన

ఆరుగాలం
కష్టించున రైతు
పంటననమ్ముకోగానే
ఆత్మహత్య
చేసుకుంటున్నాడు
ఎందుకో యని
అడిగిందామె
అప్పులెన్ని
పెరిగిన
ఓదార్పు నిచ్చే
పచ్చని కూతురు
దళారింటికి
కాపురం వెళ్ళగానే
ఒంటరిగా ఉండలేక
తన కూతుర్ని చేరలేక
ఆత్మహత్య చేసుకుంటున్నాడన్నాడతను

ఈ రైతు
కష్టాలెప్పుడు
తప్పుతాయో యని
చలించిన హృదయంతో
జలదరించిన తనువుతో
మదిలో నమస్కారం చేస్తూ
తరలిపోయిందామె

పొడుపు కవిత

ఆకులేయని
నీరే త్రాగని
నేలపై సాగని
తీగేమిటండి
అని అడిగిందామె
ప్రాణాలను
నీరులా త్రాగి
ఆకుల్లా రాల్చి
నేలకు కూల్చే
కరెంట్ తీగ
అన్నాడతను
కరెంటు తీగకు
ఇంత కథనా
అంటూ
కరెంట్ పోయిన
బల్బులా
బయలుదేరిందామె

భావన

మీ
కవితకు
ఆకర్షణ శక్తి
ఎక్కువగా
ఉంటుంది
ఎలాగండి అన్నదామె
నేను
ఊహాలోకం
గూర్చి కాకుండా
వాస్తవ లోక
వాసనల వర్ణన
చేయడమే అన్నాడతను
తన
ఆలోచనల
తీరు మార్చుకొనుటకు
తనదైన తీరులో
తరలిపోయిందామె

దువ్వెన

ఆకుల్లేని
అడవికెళ్ళి
జీవంలేని
జంతువొకటి
జీవమున్న
జంతువును
పట్టుకొచ్చెనంటే
ఏమిటండి
అని అడిగిందామె
మనం
తిరుమల
వెళ్ళి
తలనీలాలు
చేయించుకొనగా
ఎంతో సంతోషంగా
పనిభారం తగ్గిందని
హాయిగా సేదాతీరే
దువ్వెనన్నాడతను
దువ్వెనకు
ఇంత ధమాకా
అనుకుని
దిమాకా ఖరాబై
కదలిపోయిందామె

... సశేషం ....

Posted in December 2020, కవితలు

Leave a Reply

Your email address will not be published. Required fields are marked *