కవితా నివాళి

Q: గాన గంధర్వా - వేచె నీకై వేయి కనులు -- వింజమూర్ విజయ కుమార్

సీ. అమరగాయకుడేగె నమరేంద్రుని కొలువు మూగబోయెను పాట రాగ ముడిగి తీర్పగా నాలోటు, తెలుగుపాటకు, కొత్త, ఊపిరినందించి కాపుగాచి స్వరమాల నమరించి శారదార్చన చేసి పండితారాధ్యుల బాలుడొకడు ఆలపించెను వేలు, మేలైన పాటలు ఆపాత మధురాలు తీపి నిధులుఆ. అతని పాట నూగె నాసేతు శీతాద్రి అతని మాట లాడిరాంధ్ర ప్రజలు అతడు లేని చిత్రమరుదైన దానాడు ఆతడున్న కురిసె అష్ట సిరులుఆ. గానసుధను పంచి గానగంధర్వుడు చేరె నమరపురికి సేదకొరకు మరలి వచ్చు మహికి మనబాలు తప్పక వేచియున్న విచట వేలకనులు!!!

Q: “తెలుగు మేటి” -- మైలవరపు సాయికృష్ణ

ఆ.వె.ఎవరి గొంతునైన నింత కష్ట పడకనభినయించె ఘనుడు, హావభావమెంత యందగించి హేలగా పాడగాలోన నిల్చియుండె గానధనుడు ...ఆ.వెఎన్ని ఎత్తులెదిగి యెంతయో సాధించెఖండ ఖండములను గాంచె కీర్తి!యయిన గర్వమింత నైననంటకనుండెతెలుగుమేటి నితని తెలియరారె ...ఆ.వె.తెలుగు భాష మేటి తెరపి లేక నుడివె!పాటలెన్ని పాడి పరిఢవిల్లె!!వేల పాటగాండ్ర వెల్లడించె! నతనినెరుగు బాలుడండ్రు చిరుతలార ...కంశ్రీపతి పండిత వంశమునాపయి యాంధ్రప్రదేశమాపయి మనకున్దాపగు భారతదేశమునీపయి జగమే మరులిడె నిజమిది బాలా!

Q: సదా స్మరణీయుడు బాలు -- సౌందర్య కావుటూరు

శ్రీపతి పండితారాధ్యుల వంశాబ్ది సోముడుసినీ సంగీతాకసమున భాసిల్లిన భానుడుసర్వజన రంజకుడు, సదా స్మరణీయుడుసింహపురి పుత్రుడు, గాన గంధర్వుడుమన బాలసుబ్రహ్మణ్యంప్రియమైన బాలూ....పాడుతా తీయగా అని పలుకరిoచావుప్రతి తెలుగు హృదయాన్ని పరవశింపజేశావుపాట నా ప్రాణం అన్నావుగాయపడిన సినీ గేయానికి సరిక్రొత్త ఊపిరులూదావునీ గానం అమరానందంఅది నినదిస్తుంది దశ దిశాంతంపాటకు పట్టాభిషేకంనిన్నలరించిన పద్మశ్రీ, పద్మ విభూషణం, నంది పురస్కారంతెలుగు పాటలో తేనెలూరించావుఅరవం లోనూ రవము పూరించావుబహుభాషా కోవిదుడవుసకలకళా విశారదుడవుఅన్నింటా నీకునీవే సాటినీ ప్రజ్ఞకు లేదు పోటీనీ జన్మదినం తెలుగునాట ఇంటింటా పర్వదినంనీకిదే మా హృదయపూర్వక వందనం.

మాతృభాష మీద మమకారం ఎవ్వరికుండదు? అయితే ఆ మమకారాన్ని ఒక బాధ్యతగా గుర్తించి, భాషా పరిరక్షణకు తదనుగుణంగా కృషిచేస్తూ వృత్తి పరంగా, ప్రవృత్తిని కూడా మార్చుకొని భావితరాలకు సాహితీ విలువలను తన మాటల ద్వారా అనునిత్యం భోదిస్తూ, ‘శ, ష, ళ, ఝ, ఱ, థ, ణ, ౘ వంటి మన తెలుగు అక్షరాలలోని విశేషణాన్ని వివరిస్తూ, తెలుగులో పాట పాడే ఎవరైననూ స్పష్టతతో, ఉచ్ఛారణ దోషాలు లేకుండా పాడేటట్లు సదా నిర్దేశిస్తూ ఎంతో కృషి సల్పిన మన తెలుగుతల్లి ముద్దుబిడ్డ బాలు గారికి, ఆయన జయంతి సందర్భంగా మన సాహిత్యలోకం తరపున భావపూరితంగా, ఛందోబద్ధంగా మరియు వ్యాకరణ శుద్ధితో అనేక ప్రక్రియలకు నెలవాలమైన ఈ కవితా సమాహారాన్ని నివాళిగా అర్పిస్తున్నాము....

మధు బుడమగుంట

గాన గంధర్వా - వేచె నీకై వేయి కనులు -- వింజమూర్ విజయ కుమార్

సీ. అమరగాయకుడేగె నమరేంద్రుని కొలువు
     మూగబోయెను పాట రాగ ముడిగి

     తీర్పగా నాలోటు, తెలుగుపాటకు, కొత్త,
     ఊపిరినందించి కాపు‌గాచి

     స్వరమాల నమరించి శారదార్చన చేసి
     పండితారాధ్యుల బాలుడొకడు

     ఆలపించెను వేలు, మేలైన పాటలు
     ఆపాత మధురాలు తీపి నిధులు

ఆ. అతని పాట నూగె నాసేతు శీతాద్రి
     అతని మాట లాడిరాంధ్ర ప్రజలు 
     అతడు లేని చిత్రమరుదైన దానాడు
     ఆతడున్న కురిసె అష్ట సిరులు

ఆ. గానసుధను పంచి గానగంధర్వుడు
    చేరె నమర‌పురికి సేద‌కొరకు 
    మరలి వచ్చు మహికి‌ మనబాలు తప్పక
    వేచియున్న విచట వేల‌కనులు!!!

బాల్యస్మృతిగీత -- కానుకొల్లు బాలకృష్ణ

కం. శ్రీపతి సిరులొస గంగను 
     మాపతి కొమరు డుదయించె మన ’బాలు’డుగన్ 
     శ్రీపతి పండితు లింటన్ 
     సాపస గాన గణ మేలు సరసజ్ఞుండున్.

సీ. వెండితెరల నేలు వేవేల పాటలన్ 
            పయనించు చిత్రాల పాటసారి
     విశ్వవేదికపైన వీనుల విందైన 
            సంగీత మందించు స్వరవిహారి 
     అలవోక భావాలు పలికించు గళమున 
            గాత్రదాన విచిత్ర సూత్రధారి 
     అసమాన నటనల నవలీల మెప్పించు 
            పరకాయ విద్యల పాత్రధారి

ఆ. బాలు పాట టన్న బాల్యస్మృతిసుగీత 
     హృద్య భావ లయల పద్యకవిత 
     తెలుగు పలుకుబడులు తలయెత్తు తలకట్టు 
     బాలు డన్న తెల్గు పంచెకట్టు.

సీ. ఆబాల గోపాల మానంద మందగా 
            పరవశింపగ జేయు పాట నీవు 
     పసివారిపాటలన్ పలకరించెడివేళ
            మంత్రముగ్దుల జేయు మాట నీవు 
     పరుల గళమునైన పాటలన్ పలికించు 
            పాత్రోచితపుగాన పథివి నీవు 
     యుగయుగాలకు చాలు యుగళ గీతాలను 
            జనరంజనమొనర్చు జాణ వీవు

ఆ. నలుదిశలు వెలుంగు ‘నంది’ వర్ధనుడీవు 
     స్ఫూర్తి పెంపు జేయు కీర్తి నీవు 
     పసిడి కాంతు లొలుకు ‘పద్మ’ బాంధవుడీవు 
     భరతమాత ముద్దు బాలుడీవు.

“తెలుగు మేటి” -- మైలవరపు సాయికృష్ణ