ప్రల్లదనంబుచే నెఱుక | పాటొక యింతయులేక యెచ్చటన్
బల్లిదుడైన సత్ప్రభు న | బద్ధములాడిన ద్రుంగిపోదు, రె
ట్లల్ల సభాస్థలింగుమతు | లై శిశుపాలుఁడు దంతవక్త్రుఁడుం
గల్లలు గృష్ణునిం బలికి | కాదె హతంబగుటెల్ల భాస్కరా!

తాత్పర్యము: భాస్కరా! ధర్మరాజు చేసిన రాజసూయ యాగములోని సభ యందు చెడు బుద్ధితో కూడి శిశుపాల దంతవక్త్రులు శ్రీ కృష్ణపరమాత్మను అనేక విధముల దూషించిరి. అందుచే శ్రీ కృష్ణుని చక్రముచేత శిశుపాలుడు మరణించెను గదా! అట్లే పొగరుపోతుదనముచే బలవంతుడగు మంచి రాజును జ్ఞానము లేక నిందించినచో నశించిపోగలడు.