కం. రావే ‘విశ్వావసు’వా!
     తేవే వృద్ధియు సమిష్టితృప్తియు భాగ్యా
     లీవే(1), సమృద్ధిగా నిఁక
     నీవే(2) శాంతియు సుఖంబు లీ యేడాదిన్
            (1) నీవే (2) ఈయవే

ఉ. ‘క్రోధి’కి స్వస్తి; నూత్నసమఁ(1) గ్రోధము వీడి చరించి మానవుల్
     బాధలు వోయి నల్వురును బంచుకొనన్ దరహాసవేదికన్,
     మేధను సానపట్టుచును మే లొనరించు పథంబు గూర్పఁగా
     బోధకు లెల్ల, విశ్వవసుభూరినిధానము(2) భారతం(3) బగున్
            (1) క్రొత్త సంవత్సరములో (2) విశ్వములో ధనానికి/బంగారానికి/కిరణాలకు
            గొప్ప ఆధారము లేదా పాఁతఱ (3) హిందూదేశము

కం. తహతహ లంతము గాఁగా,
     నహరహమును నిండఁ బాటవాంశుచయము(1) హృ
     ద్గుహలను, యువతయుఁ బెద్దలు
     సహచరులై సాగఁ బ్రగతి జగతికి వరమౌ
            (1) నైపుణ్యము అనే కాంతిపుంజము