కొన్ని పాత తెలుగు పాటలను విన్నప్పుడల్లా మన తెలుగు భాషలోని తేనే మాధుర్యం ప్రస్ఫుటంగా కనపడుతుంది. కారణం అందులోని భావుకత, సాహిత్య సమాహారము. పదాలు చాలా సులభతరంగా అర్థమౌతాయి. ఆ పదాలతో అల్లిన హారం చక్కగా అమరి, మంచి అర్థవంతమైన సాహిత్య విలువలను ప్రతిబింబిస్తుంది. అటువంటిదే ఈనాటి ఈ పాట. నూతన ఆంగ్ల సంవత్సర సందర్భంగా మీకోసం అందిస్తున్నాము.
నిన్న లేని అందమేదో నిదురలేచెనెందుకో
నిదురలేచెనెందుకో
తెలియరాని రాగమేదో తీగసాగెనెందుకో
తీగసాగెనెందుకో
నాలో నిన్న లేని అందమేదో నిదురలేచెనెందుకో
నిదురలేచెనెందుకో
పూచిన ప్రతి తరువొక వధువు
పువ్వు పువ్వున పొంగెను మధువు
ఇన్నాళ్ళీ శోభలన్నీ ఎచట దాగెనో.. ఓ..
నిన్న లేని అందమేదో నిదురలేచెనెందుకో
నిదురలేచెనెందుకో
చెలినురుగులే నవ్వులు కాగా
సెలయేరులు కులుకుచు రాగా
కనిపించని వీణలేవో కదలి మ్రోగెనే..
నిన్న లేని అందమేదో నిదురలేచెనెందుకో
నిదురలేచెనెందుకో
పసిడి అంచు పైట జార..ఆ.ఓ..ఓ
పసిడి అంచు పైట జార పయనించే మేఘబాల
అరుణకాంతి సోకగానే పరవశించెనే
నిన్న లేని అందమేదో నిదురలేచెనెందుకో
నిదురలేచెనెందుకో