కరుణాలయ!!
కనుల కరుణ వర్షించు సాధు జీవులు,
మునుల వోలె అర్ధ నిమీలిత నేత్రలై
ధ్యానముద్ర నుండు పర హితైకమనస్క
గుణ క్షీరనిధులు,గోవుల నాదరించరే!!
వన హంస!
దళముల,విరుల,నందముగ నొదిగి
పాల వెలుగుల అరదమా రాజహంస
నుల్లసించె, చెలి, వన రమ,రమ్యవని,
పల్కుల తల్లి,సల్లాపార్థము,విచ్చేయన్!!
శివాత్మకం!!
ఢమ ఢమ ఢమ ఢమరుకమ్మె మ్రోగించెనా/
ఉమతో నాడిన సాంధ్య నట న్మాహేశ్వరుడు/
ఇమ్ముగ నోంకారమ్మై దివి, వాఙ్మయ సూత్రుల/
ఇమ్మహి బోరు చెలగ, శాబ్దిక ప్రభలన్ !!
రేఖ!!
నాడు - లక్ష్మణ రేఖ:
మరిది గీసెను రేఖ,రాకమ్మ వదిన,దాటి యనుచు
సొరిది తప్పుచు,పరుసములాడి,పంపితి వాతని
తరుముకొచ్చెను దుర్విధి రావణ కాఱు మొయిలై
ఇఱ్రిపైనాశ,నైరుతి నట్టింటికినిప్పులనినుద్రోయన్
నేడు - లాక్డౌన్ రేఖ!
చెరిపి గీతలన్ని,మ్రింగినవాని లెక్క,నీకేతెలియదు
సర్పమునకు కప్ప,కప్ప కోగిరము కీటకముదానికి
చిరుక్రిమివేరొకటి,ప్రకృతికట్టుబాటిదిభగ్నముచేసి
అరచేతనసువులనున్నావుతెలిసెనోరేఖమహిమ