వలనుగఁకానలందు బ్రతి | వర్షమునం బులి నాలుగైదు పి
ల్లఁగను దూడ నొక్కటి ని | లంగను ధేనువు రెండు మూడు నేఁ
డుల కటులైన బెబ్బులి కు | టుంబము లల్పములాయె నాలమం
దల గడువృద్ధిఁ జెందవె య | ధర్మము ధర్మము దెల్ప భాస్కరా!

తాత్పర్యము: భాస్కరా! అన్యాయప్రవర్తన గల పెద్ద పులులు సంవత్సరమునకు ఒకసారి నాలుగైదు పిల్లలను కనుచుండును. కాని వాటి వంశము వృద్ధి పొందుట లేదు. ఎందుకనగా ధర్మ మార్గములతో గోవులు రెండు మూడేండ్లకు నొక దూడను కనుచున్నది. వంశము వృద్ధి అగుచున్నది గదా! అట్లే అధర్మ బుద్ధితో వంశము వృద్ధి పొందదు. ధర్మ బుద్ధితోనే వంశము వృద్ధి అగునని భావము.