పండితులైనవారు దిగు | వందగ నుండగ నల్పుఁడొక్కడు
ద్దండతఁబీఠమెక్కిన బు | ధ ప్రకరంబుల కేమియెగ్గగున్?
గొండొక కోఁతి చెట్టుకొన | కొమ్మలనుండగఁగ్రింద గండభే
రుండ మదేభసింహనికు | రుంబము లుండవె? చేరి భాస్కరా!

తాత్పర్యము: భాస్కరా! గండభేరుండాది పక్షులు మదించిన ఏనుగులు సింహములు మొదలగునవి, చెట్టు క్రింద ఉండగా, నా చెట్టు కొమ్మల చివర వానరమెక్కి కూర్చున్నంత మాత్రమున దానిచే వాటికి ఏ అవమానము, చెడును కలుగదు. అట్లే నీచుడు దుష్టత్వముచే పీఠము మీద కూర్చుండి యున్ననూ, క్రింద కూర్చుండిన పండితులకు తలవంపు ఏ మాత్రము కలగదని భావము.