ఉనికి ...!!
ఊరు కి
వెళ్దామని ఉంది!
నేను పుట్టిపెరిగిన
వూరినొకసారి
చూసిరావాలని ఉంది!
పల్లెటూరి
ప్రకృతి శోభను
తనివితీరా...
ఆస్వాదించి -
రావాలని ఉంది!
పంటకాలువలో
స్నానం చేసి
పంటచేను గట్టుమీద
అరిటాకులో ...
భోజనం-
చేయాలని ఉంది!
లంక ఒడ్డు ....
గోదావరిలో
లాంచి ఆగమనం
చూడాలనివుంది!
సంక్రాంతి కాలంలో
ఇళ్లముందు
పల్లెపడుచులు పెట్టే
అందమైన ముగ్గులు
చూడాలని ఉంది!
కోడిపందాలు ...
నాటకాలు
రికార్డింగు డాన్సులు
గంగిరెద్దుల విన్యాసాలు
చూసి ...
బాల్యాన్ని
మరోసారి
బహురూపాల్లో
చూడాలని ఉంది!
కోర్కెలు ....
గుర్రాలై
పరిగెడుతున్నాయి.
కానీ—ఇంతకీ
పల్లెటూళ్ళు --
పల్లెటూళ్లలా
వున్నాయంటారా!
అప్పటి -
నా ..జ్ఞాపకాలు
ఇప్పుడు .....
మళ్లీ ----
గుర్తుకొస్తాయంటారా!!
అబ్బ! అలనాటి పల్లెటూరు ను అద్భుతంగా ఆవిష్కరించారు. కాని పల్లె కన్నీరు పెడుతుందన్న పాట చెవుల్లో మారుమోగుతోంది సర్.
మిత్రమా..
మీ స్పందన కు
ధన్యవాదాలండీ .
బావుంది… కాకపోతే మీరు చెప్పిన వాతావరణాన్ని ఊహించుకోవటం వరకేనేమో😊😊😊
ధన్యవాదాలండీ.
నిజమే సర్
అప్పటి పల్లెటూర్ల
రూపురేఖలే మారిపోయాయి
బాగుంది సర్ కవిత
—-కళా వతి.కంద కట్ల
హైదారాబాద్.
అమ్మా..
ధన్య వాదాలు
నిజమే సర్ . మారిన పల్లెటూళ్ళకు మీ అక్షరీకరణ అధ్భుతం.మీకు అభినందనలు.
——sagar Reddy
Chennai.
సాగర్
ధన్యవాదాలు
గతం ఎప్పుడూ గొప్పదే. తిరిగి రాదు. కానీ, మన జ్ఞాపకాల చిక్కదనాన్ని బట్టీ అది మనలో అలా ఉండిపోతుంది. చాలా మందికి కష్టమే…కానీ…మీలాంటి భావుకులకు ఇబ్బందేమీ ఉండదు. ఏమంటారు…..?
——-మారుతీ కిరణ్
హైదారాబాద్.
మీ స్పందన కు ధన్యవాదాలండీ
మారుతీ కిరణ్ గారూ..
నిజమే సర్ . మారిన పల్లెటూళ్ళకు మీ అక్షరీకరణ అధ్భుతం.మీకు అభినందనలు.
సాగర్
ధన్యవాదాలు
పల్లె లు మారి చాలా కాలమైంది సార్
—-రమాదేవి.కట్ల
హనంకొండ
నిజమే..అమ్మా
మీ స్పందన కు
ధన్యవాదాలండీ .
మీ మధుర జ్ఞాపకాలు పల్లె నొదిలిన ప్రతి వారి హృదయ దర్పణాలు సర్…బావుంది కవిత
అవునమ్మా
మీ స్పందన కు
ధన్యవాదాలు.
నాకవిత ప్రచురించిన పత్రిక యాజమాన్యాని కి,ఇతర సాంకేతిక సిబ్బంది కి హృదయపూర్వక కృతజ్ఞతలు.