Menu Close
Atanu Aame

నేడు
ఆమె
పక పక
నవ్వుతూ
పరిమళిస్తున్నది
అతను
బురదనీరైన
తనకు
కాస్త
చోటిచ్చాడని

ఆమె
కొమ్మై
రాలిపోతున్నది
అతను
అనుమానపు
గొడ్డలై
కొడుతుంటే

ఆమెలో
ఏ తుఫాను
చెలరేగిందో
కంటిరెప్పల
చెలియలికట్టను
దాటి
చెంపతడిమింది
ఆవేదన
అతనేమో
సుడిగుండమై
తిరుగుతూనే
ఉన్నాడు

అతను
తన జీవితంలో
ఎన్ని
ముడతలు
ఏర్పడిన
దిగులుచెందడు
ఎందుకంటే
ఆమె
ఓ ఇస్త్రీపెట్టె మరి

కుటుంబానికి
వెలుగునిచ్చే
దీపం
ఆమె
ఆ దీపంలో
నూనెగా
కరిగిపోయే
రూపం
అతను

మజ్జిగెందుకు
త్రాగలేదని
మండుటెండలకు
పోటిపడుతూ
తగాదాకు
దిగిందామె
నాకిష్టం
లేదని
చల్లని కుండలో
నీటితో పోటీ పడుతూ
చెప్పాడతను

ఆమె
అతడిని
చదువుతుంది
అతడు
ఆమెను
చదువుతాడు
వారివురిని
సమాజం
చదువుతుంది

ఎప్పుడూ
ఆయనను
సంతోషపెట్టాలనే
ఆమె శ్రమకు
కొలమానం
 *మే* ఒకటి

ఎప్పుడూ
ఆమెను
నవ్వించాలనే
అతని
తుంటరితనానికి
కొలమానం
 *ఏప్రిల్* ఒకటి

ఆమె
పువ్వై
నవ్వుతూ
ప్రేమను
పరిమళిస్తున్నది
అతనో
మంచినీటి
సరస్సు కనుక

... సశేషం ....

Posted in October 2020, కవితలు

Leave a Reply

Your email address will not be published. Required fields are marked *