జై జవాన్ జై కిసాన్ ఆగస్ట్ ప్రత్యేకం
If you ate today...Thank the farmer... If you ate in peace Thank the soldier.... జాతికి రక్షణకవచం సైనికుడైతే, అన్నదాత రైతు. సైనికుడు, రైతు. దేశానికి రెండు కళ్ళవంటి వారు ఇకపోతే, 'సమాజం అంటే మనుషులే కదా! సానుకూల సామాజిక జీవనానికి -- ఉపాధ్యాయులు, వైద్యులు, కవులు, కళాకారులు, క్రీడాకారులు, వ్యాపారస్తులు ... ఒకటేమిటి ఇలా మరెన్నో జీవనోపాధులు, వృత్తులు, వ్యవస్థులు కూడా అవసరమీ. అయితే - సమాజ హితవుకి రచయితులు, కవుల సహకారం ఎలా అవసరమో చూస్తే... సామాజిక అసమానతలను గుర్తించి, సమస్యలని ఆకళింపు చేసుకుని, తమ రచనల ద్వారా సమాజంలోని చీకటి కోణాలని వెలుగులోనికి తేవడంలో ముఖ్య పాత్ర పోషిస్తారు వారు. ప్రజల్లో చైతన్యాన్ని కలిగించి, స్ఫూర్తిని నింపగలరు.. ఈ నాటి సెగ్మెంట్ లో మన సైనికుడు, రైతన్నల గురించి, కాక సామాజిక స్పృహ గురించి ... మనసుకి హత్తుకునేటువంటి .. ప్రముఖుల కవిత్వమే కాదు, నృత్యగానాలు కూడా మీకోసం.
“రోజూవారీ జీవనంలో శ్రమించి, విసిగి వేసారిన మనుషులకి, ఆహ్లాదం, ఉల్లాసం అవసరం కనుక కళలు జనించాయని.. కవిత్వం, చిత్రలేఖనం, సాహిత్యం, సంగీతం, నృత్యం మనసుని ఉత్తేజపరచే సాధకాలే” అని ఐదవ వేదంగా పరిగణింపబడే నాట్యశాస్త్రంలో ప్రస్తావించారు.
కళకళలాడే జీవనం అంటే ఆందోళన రహిత జీవన విధానం అని, అందుకోసం నిత్యచైతన్యానికి, ఆనందానికి దారులు అన్వేషించాలనీ సూచించే సిద్దాంతాలు ఎన్నో నిజ జీవన చట్రంలో ఇమిడి వున్నాయి.
అలా ఆందోళన తొలగి, ఉత్సాహం ఉప్పొంగాలన్నా, ఆనందం ఉరకలు వేయాలన్నా ... ఓ కమ్మని రాగం, ఓ చక్కని దృశ్యం, ఓ దివ్యమైన కావ్యం చాలునేమో అని అనిపిస్తుంది.
అర్చన ఫైన్-ఆర్ట్స్ అకాడెమీ వారి ‘సాహిత్య – సాంస్కృతిక - సమ్మోహనం’ అనే ఈ vlog సిరీస్ లో .. వచనం, రచనం, గీతం, నృత్యం, కథనం ద్వారా సంగీతం, సాహిత్యం, నర్తనం, చిత్రలేఖనం వంటి కళలు వీక్షకులకి వినోదాన్ని పంచుతాయని ఆశిస్తూ ఈ సరికొత్త శీర్షిక ద్వారా దృశ్య మాలికా పరంపరలను మీకందించే ప్రయత్నం చేస్తున్నాము. మీ సూచనలు సలహాలు శీర్షిక క్రింద ఉన్న కామెంట్ బాక్స్ ద్వారా మాకు తెలుప కోరిక.
నమస్కారములతో –
‘నాట్యభారతి’ ఉమాభారతి
కూచిపూడి నాట్యకారిణి, నాట్య గురువు, నటి, రచయిత్రి, టీవీ చిత్ర నిర్మాత – దర్శకురాలు
అర్చన ఫైన్- ఆర్ట్స్ అకాడమీ & శ్రీ శారద సత్యనారాయణ మెమోరియల్ ఛారిటబిల్ సొసైటీ సంస్థాపకురాలు