పెంట గ్రామంలో రఘురామయ్య గారి కుటుంబం నివసిస్తూ ఉండేది. రఘురామయ్యకు ఇద్దరు కొడుకులు. పెద్దవాడు రాజీవ్, అతని భార్య ఉమ. రెండోవాడు విజయ్, అతని భార్య రమ.

శ్రావణ మాసం దగ్గరపడటంతో తోటికోడళ్ళు ఇద్దరు కలసి చీరలు కొనుక్కోవడానికి బట్టల దుకాణానికి వెళ్ళారు.

అత్తగారికి ఒక చేనేత చీర, వారిద్దరికీ చెరొక కంచిపట్టుచీర కొన్నారు. ఆ చీరలను అత్తగారికి చూపించారు.

“మీ చీరలు బాగున్నాయి. నా చీర ముతకగా ఉంది. ఈ వయసులో నేను బరువు చీరలు కట్టలేనని మీకు తెలుసు కదా! అయినా ఇలాంటి చీరలే తెస్తారు” అని చిరాకు పడింది అత్తగారు.

“మేము ఏది కొన్నా మీకు నచ్చదు. అలాగే అంటారు” అన్నారు కోడళ్ళు ముక్త కంఠంతో.

“తాతకి దగ్గులు నేర్పితే ఎలా! 'పిండి కొద్ది రొట్టె’ అని మీకు తెలియదా?” అన్నారు అత్తగారు.

“మేము కొన్న చీరలకు రొట్టెకు సంబంధం ఏమిటి అత్తగారూ!” అంటూ దీర్ఘం తీస్తూ అడిగింది పెద్దకోడలు.

“సరే నీకు అర్ధమైనట్లు చెప్తాను అని వంటింట్లోకి తీసుకువెళ్ళింది. ఎక్కువ గోధుమ పిండి ఉన్న డబ్బా పెద్దకోడలికి ఇచ్చింది. తక్కువ గోధుమ పిండి ఉన్న డబ్బా చిన్నకొడలికి ఇచ్చింది. ఇద్దరినీ రొట్టెలు చెయ్యమని చెప్పింది. కాసేపటికి రొట్టెలు చెయ్యడం పూర్తిచేశారు కోడళ్ళు. ఇద్దరినీ పిలిచి “ఉమా నువ్వు ఎక్కువ రొట్టెలు చేసావు. రమ తక్కువ రొట్టెలు చేసింది కారణం ఏమిటో తెలుసునా?” అని అడిగింది అత్తగారు.

“రమకి తక్కువ పిండి ఇచ్చారు కాబట్టి తక్కువ రొట్టెలు చేసింది” అని జవాబిచ్చింది ఉమ.

ఇదే పిండి కొద్దీ రొట్టె అంటే. మన పనిని బట్టే ఫలితం. డబ్బును బట్టే వస్తువు. మీరు మరికొంచెం డబ్బులు వెచ్చిస్తే మంచి చీర వచ్చి ఉండేది. తక్కువ డబ్బులతో మంచి చీర రావాలంటే వస్తుందా. ఆ డబ్బుకు తగినట్లుగానే ఉంటుంది” అని చెప్పింది అత్తగారు.

"పిండికొద్దీ రొట్టె" అనేది తెలుగులో ఒక సామెత. దీని అర్థం "ఎంత పిండి ఉంటే అంత రొట్టెలు వస్తాయి" లేదా "చేసే పనికి తగ్గట్టు ఫలితం ఉంటుంది" అని. అంటే, మనం ఎంత పని చేస్తామో, ఎంత కృషి చేస్తామో, దానికి తగ్గట్టుగానే ప్రతిఫలం లభిస్తుంది అని ఈ సామెత ద్వారా తెలుస్తుంది. మీరు ఖరీదైన చీర కొంటే బాగానే ఉండేది.” అని బాధపడింది అత్తగారు.

తమ తప్పుని తెలుసుకున్న కోడళ్ళు ఆ చీరని దుఖాణ దారునికి తిరిగి ఇచ్చి ఖరీదైన మంచి చీర కొన్నారు. ఆ చీరను చూసి అత్తగారు మురిసిపోయారు.