880. ఓం సంసారపంక నిర్మగ్న సముద్ధరణ పండితాయై నమః
బురదలో పడి చిక్కుకుపోయిన భక్తులను సముద్ధరించగల కరుణామ తల్లికి ప్రణామాలు.

---

881. ఓం యజ్ఞప్రియాయై నమః
యాగములందు ప్రీతి గల మాతకు వందనాలు.

---

882. ఓం యజ్ఞకర్త్రై నమః
యాగములను చేయించునట్టి తల్లికి వందనాలు.

---

883. ఓం యజమాన స్వరూపిణ్యై నమః
యజమాని స్వరూపిణికి నమస్కారాలు.

---

884. ఓం ధర్మాధారాయై నమః
ధర్మానికి ఆధారభూతురాలైన జననికి వందనాలు.

---

885. ఓం ధనాధ్యక్షాయై నమః
ధనాధ్యక్షుడైన కుబేర స్వరూపముగల మాతకు నమస్కారాలు.

---

886. ఓం ధనధాన్యవివర్ధిన్యై నమః
ధనధాన్యములను వర్ధిల్లజేయునట్టి మాతకు ప్రణామాలు.

---

887. ఓం‌ విప్రప్రియాయై నమః
వేదశాస్త్రవేత్తలై, సదాచార సంపన్నులైన, భక్తులైన విప్రులయందు ప్రేమభావం-- అనుగ్రహ భావం కల మాతకు నమస్కారాలు.

---

888. ఓం విప్రరూపాయ నమః
విప్రస్వరూపిణికి నమస్కారాలు.

---

889. ఓం విశ్వభ్రమణ కారిణ్యై నమః
విశ్వభ్రమణానికి కారణమూర్తి అయిన దేవికి వందనాలు.

---

890. ఓం విశ్వగ్రాసాయై నమః
యావద్విశ్వాన్నీ గ్రాసంచేసికొనునట్టి, కబళించునట్టి శక్తికి వందనాలు.

---

891. ఓం విద్రుమాభాయై నమః
పగడంవలె ఎఱ్ఱని కాంతులతో తేజరిల్లు మాతకు నమస్కారాలు.

---

892. ఓం వైష్ణవ్యై నమః
వైష్ణవీ శక్తి కి వందనాలు.

---

893. ఓం విష్ణురూపిణ్యై నమః
విష్ణుస్వరూపాన్ని కూడా ధరించిన మాతకు ప్రణామాలు.

---

894. ఓం అయోన్యై నమః
యోనిరహితురాలగు శక్తికి వందనాలు.

---

895. ఓంయోనినిలయాయై నమః
శ్రీ చక్రంలోని త్రికోణాంతర్గత బిందు స్థానమే నిలయంగాగల మాతకు వందనాలు.

---

896. ఓం కూటస్థాయై నమః
కూటశబ్దానికి-- అజ్ఞానార్ధమున్నది. అట్టి అజ్ఞానానికి స్థానంగాగల మాతకు వందనాలు.

---

897. ఓం కులరూపిణ్యై నమః
బాహ్యపూజ--లేక వంశాచారాందులకు కులమని పేరు. అట్టి కులస్వరూపిణికి వందనాలు.

---

898. ఓం వీరగోష్ఠీప్రియాయై నమః
వీరులకు సంబంధించిన గోష్ఠులయందు అభిరుచి గల అంబకు వందనాలు.

---

899. ఓం వీరాయై నమః
వీరమూర్తికి నమస్కారాలు.

---

900. ఓం నైష్కర్మ్యాయై నమః
కర్మరహితకు వందనాలు.

---