ఫలమతి సూక్ష్మమైన నృ | పాలుఁడు మంచి గుణాఢ్యుడైనచో
నెలమి వివేకులాతని క | పేక్షయొనర్తు, రదెట్లు చంద్రికా
విలసనమైనఁదామనుభ | వింపఁ జకోరము లాసజేరవే
చలువగలట్టివాఁడగుట | జందురు నెంతయుగోరి భాస్కరా!

తాత్పర్యము: భాస్కరా! పాలించెడి ప్రభువు మంచి గుణములు గలిగి సమర్థుడుగా ఉన్న ఎడల లాభము ఏ కొంచెమైనను చాలునని గుణవంతులైనవారు ఆశపడుదురు. వెన్నెల యందు కాంతి తప్ప వేరు ఆకలిని తీర్చు వస్తువు ఏమియును లేకున్నను చల్లని వాడని మాత్రమే వెన్నెల పిట్టలు (చకోర పక్షులు) చంద్రుని చుట్టును చేరును.