మౌన ముద్ర ..!!
మౌనభాషలో నువ్వు
హృదయ ఘోషలో నేను,
నాకు నువ్వు -
నీకు నేనూ .....
అర్థం కాని సందర్భాలు!
కాలం తో పాటు -
కరిగిపోతున్న,
అద్భుతసమయాలు,
తిరిగి రాని
మధుర సందర్భాలు!
నీ ..ఆరాధనలో ...
నువ్వు నా స్వంతం
అన్నభావనలో ...
నిన్ను నీవు సంరక్షించుకునే
సురక్షిత సూత్రాలను
నీ ముందు వుంచాను,
అవగాహన చేసుకుని
అర్థం చేసుకుంటావనుకున్న!
కాలం కలసిరాక
మన ఆలోచనల్లో -
తేడా తెలిసిరాక,
నువ్వు నాకు దూరమయ్యావో,
నువ్వే నన్ను దూరంగ నెట్టావో
తెలీదుకానీ ....
మౌనంలో నువ్వు
ఆనందాన్ని --
అనుభవిస్తున్నావేమో గానీ
నాకైతే ....
ఇది పెద్ద శిక్షే ....
మరణం దీనికి తీసికట్టే!
అయినా ....
నాబ్రతుకులో
నువ్వెప్పుడూ
ముఖ్యభాగమే ....!
నిన్ను తలవని క్షణం
నీ జ్ఞాపకాలు
నెమరువేయని క్షణం
లేదంటే నమ్మగలవా?
అయినా ---
నీ ..మౌన ముద్రను
వీడమని నిన్ను
వేడుకోలేను -కానీ,
నిత్యం --
నీ సుఖమే నే కోరుకుంటా!!
అంత వివరంగా చెప్పాక ఇంకా “మౌనముద్ర” అనడం ఎందుకు? ఇంతకీ ఎవరా రహస్య ప్రేమికురాలు?
ఇలాంటి ప్రేమ, విరహం కవితలు అంటే నాకు చిరాకు. మొదలు పెట్టేటప్పుడు విసుగ్గా మొదలు పెట్టాను, కానీ రాన్రాను గాఢత బాగా ఉంది. కవిత్వం, ఆవేదన బాగా కన్పిస్తోంది. బాగుంది. నిజమేనా ! ఇంతకీ ఎవరామె! ఎందుకు మౌనం వహించింది! ఏమీ లేదు, ఒట్టి కవిత అని బుకాయించడండి.😀
—–డా.సి.హెచ్.సుశీల
గున్టూరు.
ఎంతో లోతైన భావాలను వ్యక్తపరిచిన కవిత..అభినందనలు
—-జి.శ్రీనివాసా చారి
కాజీపేట
బావుంది సిర్ కవిత
చాలా చక్కని భావ పూరిత కవిత సూపర్బ్ సార్ హృదయపూర్వక శుభాకాంక్షలు శుభాభినందనలు సార్ మీకు 💐🙏💐🙏💐🙏💐🙏💐🙏💐🙏💐🙏
అఫ్సర వలీషా గారూ
మీ స్పందనకు ధన్యవాదాలు.
సిరిమల్లె సంపాదకవర్గానికి
ఇతర సాంకేతిక నిపుణుల కు
హృదయపూర్వక ధన్యవాదాలు.