పంచచామరము
ద్విరుక్తవింశతి(1)ప్రభాతదీధితుల్ ప్రసారమై
పురోగమింప దారిఁ జూపి పుణ్యభూమి భారత
స్థిరత్వసత్వసంపదల్ విశేషశాంతిసౌఖ్యముల్
విరించియే రచించుఁ గాత విశ్వమంత మెచ్చఁగన్
............(1) రెండు సార్లు చెప్పబడిన 20 అంటే 2020

నందివర్ధనము
దేశవృద్ధికరదీపికానివహదివ్యనిర్ణయములే
ఆశలెన్నొ చిగురించి మొక్కలయి యాపయిన్ దరువులై(1)
పాశురంబులన విష్ణుచిత్తమున భాగ్యలక్ష్మికరుణన్
దేశ మెల్లెడలఁ జిందు భావనలఁ దెచ్చి యిచ్చుఁ బ్రగతిన్
............(1) వృక్షాలై