ఊహాతీతపు అంచులు దాటి
విశ్వరహస్యం మేధను దాచిన
ప్రకృతిలో పరమాణువును నేను
పరిణామంలో శిశువును నేను

పదార్ధానికి పరమార్ధం నేనే
కాలానికి విలువను నేనే
ప్రతిరోజుకు రేపును నేనే
రోదశి మధ్యన రోహిణి నేనే

గతితార్కిక భౌతికవాదం నాది
శృతి కలిపిన శాస్త్రజ్ఞానం నాది
అనునిత్యం తత్వ విచారణ నాది
నవజీవన నాడీ స్పందన నాది.

తప్పటడుగుల నిన్నటి నైనా
నవతకు సమతకు వేకువ నేనై
మానవ ప్రగతికి నడకను నేనై
భావి తరాలకు నిలకడ నైనా

2022 లో అణు సంధాన ప్రక్రియతో (nuclear fusion)
మానవజాతి అనంత శక్తిని శాసించే దశలో ఉందనే ప్రేరణతో వ్రాసిన వచన కవిత