నీరులా ………

ఒక్కోసారి అనుకుంటాను
ఒక్కోరోజు అనుకుంటాను
నేను నీరులా ఉంటే బావుంటుందని
సమస్యల్లో ఇరుక్కుని
సందిగ్ధంలో పడినప్పుడు
ఆ సరస్సులా నిశ్చలంగా ఉండాలని
క్రోధంలో కోడెనాగులా పడగెత్తి కాటేయక
ఆ కాలువలా మౌనంగా సాగాలని,
పట్టరాని ఆనందం పొంగి పొర్లుతున్నప్పుడు
ఆ నదిలా ఉప్పొంగి ఉరకాలని,
చిన్నప్పటి చిలిపిచేష్టలు గురుతొచ్చినప్పుడు
జలపాతంలా పైనుంచీ దూకాలని
వృధ్యాపంలో కూడా భావలహరి ఘనీభవించక
ఆ ఏరులా నిరంతరం ప్రవహించాలని
ఒక్కోసారి అనుకుంటాను
ఒక్కోరోజు అనుకుంటాను
అంతా నీరే! కాని రూపాలేన్నో!
అంతా నీరే ! కాని ఆకృతులెన్నో!
నేనుకూడా నీటిలా అదరక చెదరక
ఆయా సమయాలకి అనుకూలంగా
వేసము మారుస్తూ మనువు సాగించాలని!