Menu Close
balyam_main

మన్మథా... నవ మన్మథా...

- డా. రావి రంగారావు

“త్రి”విక్రముడు

నా మనవడు ఉదయం
నిద్ర లేవగానే
ఇల్లు
ఒక చైతన్య ప్రపంచం అవుతుంది...
ఇంట్లోని వస్తువు లన్నీ బొమ్మ లవుతాయి...

నా మనవడు బ్రహ్మదేవుడు-
కదల లేని బొమ్మలకు
ప్రాణాలు పోస్తాడు...

నా మనవడు విష్ణుమూర్తి-
ఎప్పుడు ఏ బొమ్మకు
ఏ అందమైన రంగులు పూసి
ఎలా ఆడుకుంటాడో తెలియదు...

నా మనవడు శివుడు-
బొమ్మల్ని కాసేపు పైకెక్కించుకుంటాడు,
కాసేపటిలోనే పాతవై పోతాయేమో-
మళ్ళీ వాటిని చెత్తబుట్టలోకి నెట్టేస్తాడు...

అమ్మో-
నా మనవడు సామాన్యుడు కాడు
వాడిలో బ్రహ్మవిష్ణుపరమేశ్వరు లున్నారు.

Posted in December 2018, బాల్యం

Leave a Reply

సిరిమల్లెకు మీకు స్వాగతం! మీ స్పందనకు ధన్యవాదాలు. త్వరలోనే ప్రచురించబడుతుంది!!