ఈ శీర్షికలో ఎప్పుడూ ఎదో ఒక విషయం గురించి వ్రాయడం జరుగుతున్నది. అది వైజ్ఞానికం కావచ్చు, చరిత్ర కావచ్చు, ఆరోగ్య రహస్యం, వింతలు... ఇలా రకరకాలు. అయితే అది ఒక పాఠంగా అందరికీ అనిపించి బోర్ కొట్టడం జరగవచ్చు. అందుకని ఈ సంచికలో ఏదైనా విభిన్నంగా ‘టూకీగా’ ఏమి వ్రాద్దామని ఆలోచిస్తుంటే, ఈ మధ్యనే నాకు మా స్నేహితుడొకరు షేర్ చేసిన ఈ తలతిక్క సమాధానాలు నాకు గుర్తుకు వచ్చాయి. వాటిని మీతో పంచుకొంటున్నాను. ఓపికగా ఈ ప్రశ్నలు, సమాధానాలు తయారుచేసి తద్వారా మనందరికీ ఎంతో మనోల్లాసాన్ని అందించిన ఆ వ్యక్తి ఎవరైననూ వారికి నా కృతజ్ఞతాపూర్వక నమస్కారములు. ఇది అందరూ హాయిగా నవ్వుకోవడానికి మాత్రమే.

• తాజ్ మహల్ ఎక్కడ ఉంది?
  జవాబు: కట్టిన చోటే!
• చలికాలంలో ఐస్ క్రీం తింటే ఏమవుతుంది?
  జవాబు: కప్పు ఖాళీ అవుతుంది.
• రెండు మామిడి పళ్ళను ముగ్గురు ఎలా పంచుకోవాలి?
  జవాబు: రసం తీసి!
• గుడికి వెళ్ళినప్పుడు బొట్టు దేనికి పెట్టుకుంటారు?
  జవాబు: నుదుటికి!
• బస్సులో ఎంతమంది కూర్చోవచ్చు?
  జవాబు: పట్టినంత మంది!
• ఆఫ్రికా గిరిజనులు అరటిపండు ఎలా తింటారు?
  జవాబు: ఒలుచుకొని
• హుసేన్ సాగర్ లో బుద్ధుడు ఒక చేతిని పైకి ఎత్తి ఉంటాడు ఎందుకు?
  జవాబు: కింద నీరు పెరిగితే పైకి పోతారని చెప్పేందుకు!
• నిద్రలో మంచం మీద నుంచి కిందపడితే ఏమౌతుంది?
  జవాబు: మెలకువ వస్తుంది.
• రోడ్డుపై స్పీడ్ బ్రేకర్ లు ఎందుకు పెడతారు?
  జవాబు: డ్రైవర్ ని నిద్ర లేపడానికి.
• సెల్ ఫోన్ పోతే ఏమౌతుంది?
  జవాబు: మనశ్శాంతి ఫ్రీగా వస్తుంది.
• నిమ్మకాయ సగానికి కోసి రసం ఎందుకు పిండుతారు?
  జవాబు: తొక్క తీస్తే టైం వేస్ట్ కాబట్టి.
• టివి రిమోట్ అంటే మగవారికి ఎందుకు అంత ఇష్టం?
  జవాబు: ఇంట్లో అదొక్కటే తను చెప్పినట్టు వింటుంది కాబట్టి!
• అమ్మాయిలకు పెళ్లి ఎందుకు చేస్తారు?
  జవాబు: ప్రేమలకు పుల్ స్టాప్ పెడతారని.
• స్విచ్ వేయగానే ఫ్యాన్ ఎందుకు తిరుగుతుంది.?
  జవాబు: తిరగక పోతే కర్రతో కొడతారని.
• పెళ్లి చూపులకు అబ్బాయినే అమ్మాయి ఇంటికి ఎందుకు తీసుకెళతారు?
  జవాబు: బలి ఇచ్చేముందు మేకనే గుడి దగ్గరకు తీసుకెళతారు కాబట్టి.