Menu Close
sravanthi_plain
sivasaranapanchakam_sravanthi_mar2019

శివశరణపంచకమ్

శ్లో|| వినతాసుతఘనవాహనసఖ! శంకరసుముఖ!

త్రిశిఖాయుధ! వృషవాహన! హిమపర్వతనిలయ!

పురనాశన! మఖనాశన! స్మరనాశననయన!

అఘనాశన! శితికంధర! శరణం తవ చరణమ్ ||

లయసంగతనటశేఖర! దశకంధరవినుత!

ప్రణవామృతనిరతప్లుతగిరిజాదృతకరణ!

ఫణిభూషణ! ప్రమథాధిప! ద్విరదాజినవసన!

గణనాయకగుహసంయుత! శరణం తవ చరణమ్ ||

అవరోధితబృహదంబరతటినీద్రుతగమన!

అతిభీషణరిపుషణ్మయభవసాగరతరణ!

శలకోరగగజసేవిత! భసితాంచితకరణ!

యమకింకరభయవారణ! శరణం తవ చరణమ్ ||

ధరణీధరతనయాముఖకమలారుణకిరణ!

శశిభూషణ! మృదుభాషణ! నతపోషణసుగుణ!

అభిషేచనచమకస్తవనమకప్రియహృదయ!

అమరాసురవరదాయక! శరణం తవ చరణమ్ ||

దనుజాంతకనరకేసరిమదమారకశరభ!

పరిరక్షితశరణాగతమృగలాంఛన! విమల!

రఘుపుంగవపరిపూజితసికతాంగకలసిత!

కురుమే శుభ మనిశం శివ! శరణం తవ చరణమ్ ||

Leave a Reply

Your email address will not be published. Required fields are marked *